Հայաստանի Հանրապետություն
Մայրաքաղաք՝ Երևան
Պետական լեզու՝ հայերեն
Կրոն՝ Քրիստոնեություն (Հայ առաքելական եկեղեցի)
Ժամային գոտի՝ UTC+4 (ՀԿԺ+4)
Հեռախոսային կոդ՝ +374
Արժույթ՝ դրամ (֏) (AMD)
Դրամի փոխարժեքն իմանալու համար խնդրում ենք այցելել https://www.cba.am/am/ կայք:
Հայաստանը բնութագրվում է չոր, ցամաքային կլիմայով։
Բարձրլեռնային գոտում ձմեռը տևում է 7-8 ամիս՝ հոկտեմբերից մայիս: Միջին բարձրության լեռնային գոտում ձմռան տևողությունը երկու ամսով կարճ է. սկսվում է մեկ ամիս ուշ և ավարտվում է մեկ ամիս շուտ: Ցածրադիր գոտում ձմեռն ավելի կարճատև է. hիմնականում սկսվում է դեկտեմբերի կեսերին և ավարտվում փետրվարի վերջին:
Ամառը ցածրադիր գոտում տևում է մայիսի երկրորդ կեսից մինչև հոկտեմբերի սկիզբը: Բարձրլեռնային գոտում ամառը կարճատև է ու զով:
Երևանում ամենաշոգ ամիսներն են հուլիսն ու օգոստոսը. առավելագույն ջերմաստիճանը կարող է լինել +42°C: Ամենացուրտ ամիսներն են հունվարը և փետրվարը. նվազագույն ջերմաստիճանը կարող է լինել -30°C:
Առավել հաճախ տեղումներ են լինում գարնանը և աշնանը։
Ձմռանը ձյուն է տեղում, և լեռնային շրջաններում ձյան ծածկը կարող է հասնել մինչև մեկ մետրի: Երևանում ձմեռը չափավոր ցուրտ է. հաստատուն ձնածածկույթ առաջանում է ոչ ամեն տարի:
Գարունը, կախված տեղանքի բարձրությունից, կարող է տևել 1,5-3 ամիս: Այս սեզոնի համար բնորոշ են մեղմ ու խոնավ, խիստ փոփոխական եղանակները:
Աշնանը բնորոշ են արևոտ, չափավոր տաք, անհողմ եղանակները: